Ուրբաթ առավոտ էր , պատրաստեցի ճամպրուկս և գնացի դպրոց ։ Ցերեկը , մոտ ժամը երկուսին ճամփա ընկանք դեպի Արատես դպրոցի երթուղայիններից մեկով ։
Հասանք , տեղավորվեցինք և անցանք գործի ։
Մաքրություն կատարելուց հետո , ընթրիքին անցանք ։
Ընթրիքից անմիջապես հետո վառարանի շուրջ զրույցի բռնկվեցին բոլոր ճամբարականները ։ Զրուցեցինք բոլոր հետաքրքիր թեմաներից , ծիծաղեցինք և իվերջո ծանոթացանք միմյանց հետ ։
Հաջորդ օրը նախաճաշից հետո անցանք Արատեսյան ճամբարի վայրը Ամանորին պատրաստելուն ։ Գուլպաներից ձնեմարդուկներ պատրաստեցինք , եղևնու ճյուղերով և խաղալիքներով զարդարեցինք գլխավոր տունը ։
Նույն օրը , երեկոյան մեր խմբի տղաները համեղ խորոված պատրաստեցին ճամբարի տարածքում գտնվող թոնրի մեջ ։
Հաջորդ և վերջին օրը մենք նախաճաշից հետո զբաղվեցինք մաքրությամբ , մաքրեցինք ճամբարի ամբողջ տարածքը ։
Ժամը մեկին ուղևորվեցինք Երևան ։ Շատ հետաքրքիր անցավ ճամփորդական այս երեք օրը Արատեսում ։ Քանի որ ես առաջին անգամ էի այդ ճամբարում, ինձ մոտ շատ լավ տպավորություններ մնացին և ես նորից սիրով կհաճախեմ այդտեղ ։
Բարի Գալուստ 