Ուսումնական արձակուրդն անցկացրի Թբիլիսիում: իննսունութ դպրոցի հրավերով, մենք մեկնեցինք Թբիլիսի:Այս տարի նշում ենք հայ- վրացական հանրակրթական կամուրջների տասներորդ տարին :
Տեղավորվելուց հետո գնացինք կենտրոնում զբոսնելու : Իննսունութ դպրոցի սովորողները մեծ սիրով ուղեկցեցին մեզ , ցույց տվեցին քաղաքի տեսարժան վայրերը : Եղանք Թբիլիսիի ամենահին թաղամասերից մեկում`Աբանոթա Ուբանիում : Հետո գնացինք դեպի ջրհոր: Զբոսնեցինք գիշերային գեղեցիկ Թբիլիսիով :
Հաջորդ օրը գնացինք դպրոց և մասնակցեցինք ինտելեկտուալ խաղի : Շատ հետաքրքիր էր , և դրա շնորհիվ մենք շփվեցինք տարբեր ազգությամբ երեխաների հետ: Շատ բաներ սովորեցինք այդ խաղերի շնորհիվ:
Նաև դիտեցինք համերգ , որտեղ պարում էին այդ դպրոցի աշակերտները և պարում էին հայկական ժողովրդական պարեր: Շատ հետաքրքիր և հաճելի էր տեսնել , թե ինչպես են նրանք պատրաստվել այդ միջոցառմանը:
Անցկացրինք ընդհանուր վրացերենի դաս , որը եղավ մեզ համար լեզվի փորձում: Այդ դասը սիրո մասին էր : Ամեն մեկը գրում էր թերթի վրա , թե ինչ է սերը իր կարծիքով , և վերջում ներկայացնում : Մեզ շատ դուր եկավ այդ դասը :
Եղանք Թբիլիսիի պանթեոնում : Հատուկ Հովհաննես Թումանյանի համար արտասանեցինք և երգեցինք: Այժմ մոտեցանք աշխարհի ամենամեծ եկեղեցու` Ցմինդա Սամեբաի մոտ:
Գնացինք Մցխեթա և Սվետիցխովելի : Այնտեղ շատ գեղեցիկ էր : Զբոսնեցինք , այցելեցինք եկեղեցի և գնեցինք տարբեր հուշանվերներ:
Ինձ ամեն ինչ դուր եկավ : Հիասքանչ էին պատրաստվել , ամեն ինչ շատ հետաքրքիր անցավ :
Մտքիս գալիս է միայն մեկ բառ «ՎԱՅ ՄԵ» : Շատ լավ և ուրախ հիշողություններ մնացին այս ճամփորդությունից : Հուսամ նորից կայցելենք Վրաստան և մեծ հաճույքով նաև մենք կնդունենք նրանց մեզ մոտ :